Podcasts

Episodio #6 – Aquí e Agora

Volvemos para tomarlle a penúltima, antes de que remate o mundo, realizamos un novo programa en plena pandemia coronavirica para compartir contigo un tempo de radio diferente, para un país diferente!

Abrímoslle a porta a primavera como merece, lembramos os últimos coletazos do Cason e falando de Michael Jackson reflexionamos con Sonia, Xurxo e Lois, sobre os límites á creatividade, a arte e a liberdade de expresión.

Programa moi especial o desta semana, prendimos nunha silveira chamada Miguel Pernas, botamos unha hora e pico de conversa con este xigante da interpretación galega e… sentíndoo moito quedamos sen tempo para a nosa lapexada.

De Franqueira a Novoneyra, pasando por Pablo Casado ou Wenceslao Fernández Flórez chega aos teus ouvidos un AQUI E AGORA atípico pero cheo de sentimento: o que lle puxemos, xunto con Cris Bajo e Vicky Louro, para falarmos da loita feminista.

Dúas persoas coma un mundo de grandes: Xosé Cobas e Camilo Nogueira, acompáñannos na viaxe desta semana. Pero hai moito máis, dende reflexións sobre a Nocilla a un achegamento ao flamenco abertzale. Todo e máis: Aqui e Agora!

Dámosvos a benvida a este programa 0 de Aqui e Agora, con Fátima López e Dani Carballada, unha radio diferente para un país diferente. Pasarán polo micros Miro Casabella, Xurxo Souto, Iria Buxán e Ermitas Valencia. O faladoiro con Xurxo Longueira, Sonia García Castro e Lois Diéguez e padecemos a música de Shakira, Boney M e Karina Falagan.